|
بو یازی سول گوناز سیته سی واسیطه سی ایله لاتین الیفباسیندان عرب الیفباسینا چئوریلیب چینگیز بی بختاورین معممالی اؤلومو ایله باغلی دهشتلی دئتاللار ایفشا اولونور بابک آذری - حقوقچو میللی فعاللارین وئردیگی معلوماتا گؤره، گونئی آذربایجان میللی آزادلیق حرکاتینین تانینمیش سیماسی چینگیز بی بختاور 2006 جی ایل مای آییندا گونئی آذربایجاندا باش وئرن میللی قیاملا باغلی توتولموشدور. او، 50 گون تبریزین ائطلاعات ایدارهسینده و 40 گون تئهرانین ائطلاعات ایدارهسینده آغیر روحی و جیسمی ایشگنجهلره معروز قالمیشدیر. اونا ایشگنجه وئریلن زامان تکلیف اولونموشدور کی، ایشگنجهنین دایاندیریلماغی اوچون او رادیو و تئلئویزیادا چیخیش ائدیب، ائتدیگی گوناه لارا، داها دوغروسو، ائتمه دیگی گوناهلاری اعتراف ائده. اونون ایشگنجه آلتیندا مقاومتی سبب اولموشدور موستنتیقلر گئری چکیلیب، اوندان آنجاق طلب ائتمیشدیرلر کی، فعالیتین دایاندیرا. لاکین چینگیز بی بو ایشه ده راضی اولمامیشدیر. شاهیدلرین وئردیگی معلوماتا گؤره، ائله بو سببه گؤره، اوندان ایستینتاق آپاران مامورلار حددن آرتیق اسبلشیب. بئله کی، 3 مامور اونو هاوایا قالدیریب و مؤحکم یئره چیرپمیشدیرلار. او، آلدیغی آغیر ایشگنجهنین نتیجهسینده هوشونو ایتیریب. بوندان سونرا مامورلار اونو زیندانین خستهخاناسینا آپارماقدانسا، یئرده سورویه - سورویه، شاهیدلرین وئردیگی معلوماتا گؤره، باشی دیوارا دیه - دیه تکاداملیق کامئرایا آپاریب آتیبلار. یالنیز بیر گوندن سونرا هوشو اؤزونه قاییدیب، لاکین اؤزونو یاخشی هیسس ائتمیرمیش. ائله بو سببدن ائطلاعات مامورلاریندا قورخو یارانیب کی، چ.بختاور ایشگنجه نتیجهسینده زینداندا اؤله بیلر. ائله بونا گؤره اؤزلری راضی اولمادان اونو آزادلیغا . بوراخیبلار. اما اونا خاتیرلادیبلار کی، گئت، بیر آز استراحت ائت، یئنه سنین دالینجا گلجییک.2007 جی ایل گونئی آزربایجانین میللی قیامینین ایل دؤنومونده یئنیدن ائطلاعات مامورلاری طرفیندن توتولموشدور تقریباً 3 آیدان آرتیق آغیر روحی و جیسمی ایشگنجهلره معروز قالمیشدیر. او، همین ایل، یعنی، 2007 - جی ایلده اینسان حاقلارینی مدافعه ائدن بئین الخالق تشکیلاتلارا آچیق مکتوب یازیب و او، اؤز مکتوبوندا کونکرئت فورمادا قئید ائتمیشدیر کی، اونون جان تهلوکهسیزلیگی ایرانین میللی تهلوکهسیزلیک قوهلری طرفیندن حدهلنیر. او، اؤز مکتوبوندا بئله یازمیشدیر: "تبریزین ائطلاعات - ایندا منه قارشی آپاریلان ایستینتاقدا آیدینجاسینا منه اعلان ائدیبلر کی، سنین اوغلون بابک بختاورین فعالیتینه گؤره و همچینین اؤزونون میللتچی فیکیرلرینی یایدیغین اوچون اؤزونو تهلوکهنین مرکزینده یئرلشدیرمیسن. و هر زامان سنی بؤیوک تهلوکه حده لییر. اونلار ایراندا باش وئرن زنجیرواری قتیللره ایشاره ائدیردیلر. بو مسئله آیدینجاسینا نیشان وئریر کی، حال - حاضردا منیم جان تهلوکه سیزلیگیم ایرانین میللی تهلوکهسیزلیک مامورلاری طرفیندن حدهلنیر." چ.بختاور دفعهلرله ایش یئرینده ائطلاعات مامورلاری طرفیندن ایستینتاق اولونوب، یا دا اورادان ائطلاعات ایدارهسینه آپاریلمیشدیر. هر دفعه ده یئنیدن حده لنمیش و اونا خبردارلیق ائدیلمیشدیر کی، اگر ساغ قالماق ایستییرسه، سیاسی فعالیتینه سون قویسون. اما، او، نه اینکی سیاسی فعالیتینه سون قویموشدور، عکسینه فعالیتین آرتیرمیشدیر. چینگیز بختاور گونئی آذربایجان داخیلیندن علاوه، خاریجده گئدن فعالیتلره ده یاخیندان ماراق گؤستریب، ایزلییرمیش. او، وفات ائتممیشدن بیر گون اؤنجه آوروپادا یاشایان بعضی میللی فعاللارلا تئلئفون علاقهسی ساخلاییب، آمستئردامدا دیولوق کونفرانسی ایله باغلی بعضی فیکیر و تکلیفلر سؤیلمیشدیر. میللی فعاللارین نظرینه گؤره، آمستئردامدا دیولوق کونفرانسینین مؤحتشم کئچیریلمهسینده اونون موثبت رولو اولموشدور. چ. بختاور تبریزین ائلئکتیریک ایستانسیاسیندا ائلئکتریکسیته تئکنیکی ایدی. اونون اؤزونون ایش اوتاغی وار ایمیش و ائلئکتیریکسیته ایله باغلی هر هانسی بیر پروبلئم چیخاندا، اونا تئلئفون ووروب پروبلئمی حلل ائتمک اوچون چاغیریرمیشلار. شاهیدلرین وئردیگی معلوماتا گؤره، اونلار اونو آخیرینجی دفعه وفات ائدن گون سحر ساعت 9:30 دقیقهده گؤروبلر. ناهار واختی، او، ناهارا گئجیک دیگی اوچون ایش یولداشلاری تقریباً گون اورتا ساعت 13:00 - دا اونون اوتاغینا گئدیبلر، اما گؤروبلر کی، اونون باشی میز اوسته، دوداقلاری قانلیدیر. بوندان سونرا اونون وفات ائتدیگی معلوم اولوب. او گون عآشورا گونو اولدوغونا گؤره، چ.بختاورین جسددی بیر گون خوسرووشهرین مئییت خاناسیندا ساخلانیلیب، سحری گون محکمه طیببی ائکسپئرتیزا آپاریلیب، بعضی تئستلر گؤتورولوب و معلومات وئریبلر کی، 3 هفته و یا بیر آیا کیمی اؤلومون سببی بیلینهجک. بوندان سونرا تقریباً 16:00 - 17:00 رادهلرینده بختاورین جسددی اوردان بیرباشا مارالان قبیریستانلیغینا آپاریلیب. اورادا ائطلاعات مامورلاری اونون اوغلو سیامک بختاوری حدهلهییبلر کی، اگر آتاسی بیرباشا دفن اولونماسا، بئله بیر تهلوکه وار کی، جسددی یوخ اولوب و مزاری ایتکین دوشسون. اما سیامک باختاور بو حدهلره تسلیم اولماییب، آتاسینین تعجیلی فورمادا دفن اولونماسین قئیری - اینسانی ایش کیمی دیرلندیریب. ائطلاعات مامورلاری اونون آناسینا زنگ ائدیبلر کی، گل، اوغلونون قاباغین آل. چ.بختاورین معممالی اؤلومو، خوصوصن تبریزده میللی فعاللاری چاشقین وضعیته سالیب و اونلار بو معممالی اؤلوم اطرافیندا آراشدیرما آپارماق ایستهییبلر. البته، ائطلاعات مامورلاری دا بئکار اوتورماییبلار، اللری چاتان میللی فعاللاری مؤوضو ایله باغلی سوسماق اوچون حدهلهییبلر. و خاطیرلادیبلار کی، بختاورین معممالی اؤلوموندن درس آلسینلار، راضی اولماسینلار کی، اونون آجی طالعی اونلارین دا حیاتیندا تکرار اولونسون. سوندا تکجه اونو دئمک ایستییریک کی، چینگیز بی بختاور وفات ائدن گون ساعت 09:30 - لا 13:00 آراسیندا کیمله راستلاشدیغی و نه ائتدیگی بارهده کونکرئت هئچ بیر معلومات یوخدور. اگر بونونلا باغلی شاهید وارسا دا، لاکین اوزه چیخمیر. همچینین بو بارهده آرشدیرما آپارما مومکون دئییل.
|