Sa-tənz

Tərs-Avand

Ehtiyat yıxıldı , dişi qanadı

Öküz fikirləşdi , bəlkə danadı

Qumar özü , qumarbaza uduzdu

Şəkər diskinərək , dedi bə duzdu

Hənək vurdu dəyənəyi sındırdı

Soyuq xəyal sınanları yandırdı

Qıtmırlıq göstərdi , öz kəramətin

Şarlatan məclisdə , oldu çox mətin

Qıd qırtıldadı , qıtlıq görəndə

Qırılmaq dirildi varlıq öləndə

Qənaət xərc etdi , dədə malını

Gorxu yığdı , doldurdu anbarını

Tənbəllər özlərin lap zirəng bildi

Acı dil ! dedi bəs , baldan şirindi

Pislik ilə yaxşılıq , dəyişilibdir

Səliqə , öz səliqəsinə ilişibdir

Oğurluq , boynuna medal taxıbdı

Əyrilik düzlüyə , qara yaxıbdı

Ölçülər ölçdülər başqa ölçü ilə

Bölənlər böldülər yalnış bölçü ilə

Elə ona görə hallar yamandı

Bir va-nəfsadır aman amandır

Yardım səbəb oldu , fəqirlər ölsün

Qatil razı oldu , qətli bölünsün

İgidi ! rəşbərlik yoxsul eylədi

Utanmaq təməli kökdən peylədi

İlgilər beləydi toplum içində

Dağallıq biçərdi çin-çin biçində

Bir belə qalmaqal , düşdü dünyada

Eşq ilə məhəbbət , düşmədi yada

Haram təpiklədi , halal yıxıldı

Savadsız şah oldu, alim sıxıldı

Qırıbdır bəndini , bu gün vəhşilik

Konturol eyləyir , bizi dəlilik

Dava çalır ! sülh bağının , qapısın

Sülhə macal yoxdu , özünü tapsın

Çölmək dığırlanır , qapağını tapmayır

Təndir dağ olarkən , çörəyi yapmayır

Saydamlıq , pırtlaşıq , eyni olubdı

Polis mafiya ilə , əlbir olubdı

Dincliyin yerinə , iztirab gəldi

Rahatlığın qulağın , qışqırıq dəldi

Mehribanı , darvazadan asdılar

Düşüncəni , qəbirlərə basdılar

Barışıq gizləndi , küsmək dalında

Səviyyə naxoşdur , ölüm halında

Uzman əkin əkir , əkinçi dərs deyir

Nalbənd rəssam olub , bilənə bəsdir

İncəsənət , küçələri süpürür

Əsgər olan , musiqi notu tüpürür

İncavara ölür , ölüm halında

Qığana qaldı panc , tərsin dalında

Qayda qanun qorxdu , polis görəndə

Polis alqışladı , qatil öldürəndə

Tövsiyə tığladı , bekarçılıqdan

Bekarlar hamısı , çox azadlıqdan

İflic oldu zorun , fikrində baxış

Yerləşə bilmədi , başlara naxış

İnsanlar gördülər ya ağ ya qara

Bilmədən gedərlər haradan hara

Yalan söz onları necə tovladı

Tamahkarlıq sağa , sola , qovaladı

Vatikan onların gözün bağladı

Məkkə də onların qəlbin dağladı

Bir qaçaqaç idi , məhşər günü idi

Birisi şiyə idi , birisi sünnü idi

Birisi ortodoks , birisi katolik

Birisi yəhudi , hələ bir illik

Birisi itirmiş idi , dədə babasın

Birisi tapmış idi , yeni əbasın

Birisi ağlayırdı , sevindiyindən

Birisi gülürdü , ancaq hirsindən

Birisi xoş idi , kinəliyindən

Birisi oynardı , dərdmənliyindən

Birisi biganə ana dilindən

Başına çalırdı dərdin əlindən

Birisi qaçırdı , birisi durmuş idi

Birisi gözü açıq , amma uymuş idi

Birisi baxırdı görə bilməyirdi

Birisi sözlü idi , deyə bilməyirdi

Birisi itmiş idi , öz küçəsində

Ruhu banlayırdi , xam beçəsində

Birisi üzürdi , könəzliyində

Batırdı dərinə , cəhalətində

Birinə öz dini problem idi !

Təəssüflə onu o bilməyirdi !

Günahı , özgədə görən birisi

Çaba lazım bilməz , ölmüş dirisi

Günahı axtardı özgələrində

Batmışdı palçığa lapda dərində

Bir ömür rialist ola bilmədi

Günahı özündən yola bilmədi

Keçirdi ömürlər , yazıqlıq ilə

Düşürdü uçruma , hazırlıq ilə

Ərənlər , qalmışdı bu işə heyrət

Şüurdan kasıblar , həmişə həsrət

Bu olay arifi , eylədi heyran

Sufini nəticə , eylədi viran

Görməkdən , gözü-tox işkəncədəydi

Könlü-ac , gözü-ac , özünü bəziyirdi

Din ki bir rəhmətdi , lənət olmuşdı

Yerinə hərb , dava , kinə , dolmuşdı

Dini siyasətə qatıb , evini yıxdılar

Nifaqı məscidə , tez tez buraxdılar

Ocağın çanağı , sındı , cırıldı

Tanrila ilgilər tamam qırıldı

Vəhşilik bir daha , mod ola bildi

Hər başa yırtıcı , fikir dola bildi

Birisi it oldu , birisi pişik

Əxlaqı bambaşqa , tamam dəyişik

Eşşək hürdü , it anqırdı ağladı

Siçan durdu , filin yolun bağladı

Aslanı ovladı o gözəl ceyran

Bu işə tülkü ilə qəcələ heyran

Nə isə dəyişdi , qayda , qanunlar

Adətin ziddinə , oynar oyunlar !

Keçəlin adını , telli qoydular !

Tük əkmək üçün , dərisini soydular

Şirinəli , acı idi , zəhərdən betər

Xoşqədəm gətirdi , həmişə xətər

Nə deyim nə deyim qurtulmaz nağıl

Fərdiyət hökm edir topluma , dağıl !

Bir nağıl bir dastan bu başdan başa

Mən sözü atmış idim , o dəyib daşa

Belə qalxdı öz yerindən arzular

Çolaq lalı , lalda , karı yansılar

Humanist qayıtdı , bir faşist oldu

Faşist öz işi ilə , kommunist oldu

Faşistlər qırdılar yəhudiləri

Yəhudlar qırdılar filistinliləri

Ərəb kürdü , kürd , türkəməni qırdı

Erməni daşnağı , Azərbaycanı cırdı

Hər kəs zorlu idi , zəifi çaldı

Zəiflər tam , ayaq altında qaldı

Baş alıb gediri , bu gün yasaqlıq

Cinayət qazandı , özünə haqlıq

İnsanı eyləyir maşın , konturol

Bəllənməz haraya ! gedəcək bu yol

Bu gün bu dünyada bir cızhacızdı

Hərb var , narkotik , satılan qızdı

Yalan oldu bu gün , qardaş əfəndi

Zəhər dişləyərkən , ağlatdı qəndi

Səbir , iztirab-dan iflicə düşdü

Bir , səhv eyləyərək dedi-bəs üçdü

İyirmi razı olmaz , iyirmiliyindən

Vəhdətin kələməsi , öz birliyindən

Razı ! razı deyildi , öz razılığından

Qazi gicəlmiş idi , qazılığından

Qaralar istəyirdi , ağapbaq olsun

Ağlar istəyirdi , rəngləri qaralsın

Xırda narazı idi , xırdalığından

Hündür əsəbli idi , ucalığından

Hökmən ! Fil istəyirdi olsun bir şiçan

Siçan ! istəyirdi olsun bir filcan

Sevməzdi özünü bir də yumurta

Daha ölçü deyil , mizanla , orta

Aşırı oldular , əməldə , sözlər

Baxar-kor oldular o yazıq gözlər

Tazı qaçır , dovşanlar da dalısıcan

Quzular qurd sevir , qoyun hamısıcan

İt dedi eşşəyə , o yük çəkəmməz !

Pişik dedi aslan , ovsunu bilməz !

Tülkü dedi toyuq , ağzın qoxuyur

Xoruza bax , çaqqala dua oxuyur

Keçi buynuzladı , çobanın dəyənəyin

Dəyənək öldürüb , balasını inəyin

Belə oldu məfhum , qavramlar , dəyişdi

Beli sındı sözün , çərkiş , bərkişdi

Qərarlar pozuldu , qaydalar getdi

Anlaşmış qavramlar bir başa itdi

Hamı yaxdı , bir birinə qaranı

Nə əlac tapdılar , nədə , çaranı

Odur ki hər adam , bir-cür narazı

Bu narazı adam , böyük bir qazı

Bu Əzəllə , əbədiyyətin , davası

Yaradar duyğular kəsgin havası

İstəklər fəalsa , canlar dinc olmaz

Dinc olmayan cana , rahatlıq dolmaz

Dincliyin qulağını istək dişləyir

Arzular səbəbdir , adam işləyir

Nə isə belədir , durum bizlərə

İstəklər çox verir , qüvvət dizlərə

Uşağı olmayan , uşaq istəyir

Çox uşaqlı , uşaqları pisləyir

Şişman adam sevir , arıq olaydı

Arıq arzulardı , bir az dolaydı

Molla dini buraxdı , xanlığa çıxdı

Rəis olmaq ücün , saqqalın qırxdı

Mənbəri tərk etdi , taxt üçün molla

Rəngini dəyişdi , tez-tez bu valla

Molla çoban oldu , millət sürü tək

Zırnıxdan saqqalı , oldu gül , ipək

Bir şair rədd etdi , tamam şerləri

Ölənləri təkcə yox , hətta diriləri

Mən mən deyərək , mənanı dandı

Təkəbbür edərək , özüdə yandı

Yalnış bir qaydaya , qulp qoyarsan

Bir gün gələr sən özündə yanarsan

Şaırə yaraşmaz , şaıri çırpsın

Çimdik-çimdik söküb onu dağıtsın

Şair tacir deyil , dəllal , siyasi

Nə bilim , diktator qatil o birisi

Şaır barışçıdı , sevdalı aşiq

Dünya olur olsun nə-təhər pırtlaşıq

Tacir alar , siyasətçinin işini

Yamanlayar , babasının dişini

Para girdi , tamahkarın gözünə

Tüpürcəyi yaxdı tamam üzünə

Karakter məhv oldu pul qabağında

Haram-xor çox yedi öz tabağında

Rüşvət qapdı , bir qudurmuş it təkin

Daladı belimi , bir ac bit təkin

Rüşvətin adını , hörmət qoydular

Dərisin əxlaqın , dərin soydular

İstər , istəməzsən , belədi durum

Bölünüb , paylanıb , təşkilat qurum

Söyləyir , bu sistem bir realitetdi

Ver işin keçəcək , yoxsa o getdi

Bazarda , Səviyyə aşağıya düşdü

Səviyyəsiz millətin , canı üşüdü

Şüurdan kasıblar , iş bilən oldu

Eşşəklər , birbəbir məclisə doldu

Tövlə ilə parlament , yerin dəyişdi

Orada görülən , canım hər işdi

Dəllallıq edillər , numayəndələr

Hesablayır xalqı , yazıq bəndələr

Gəlin , gəlin bir qəribə dünyadı

Savadlı başbakan göstərin hanı

Hərnə varsa , mafiyanın əlində

Qurandan ayələr onun dilində

Rüşvəni görməmiş , ayə gətirir

Rüşvəni görəndə işi bitirir

Vay dədə bu qədər qar-qarışıqdı

İnsaf nə eyləyəcək , bulandırıqdı

Dilənçi bəxşişi , qadağan etdi

Yolkəsən tərk etdi , məclisə getdi

Dəyişdi paltarın tezcə , oğuru

Yalançı sözlərin satdı , doğru

Ört basdır qaydası , qanunu kəsdi

Kütü kəsdi iti , nə bərə bəsdi

Ayı o söz , qaban o söz , deyiblər

Təkcə söz yox bəlkə əməl ediblər

Göylərə qalxarkən , yerə yenərsən !

Məcbursan yalanı , çüt-çüt deyərsən

Neyləyim , əməllər belə keçiri

Adət olub yalanı , su tək içiri

Nə-eyləmək belədi , başqa yol yoxdu

Humanist ac öldü , qatillər toxdu

Nə qədər varlısan o qədər acsan

Doymaz gözlərimiz nə qədər qaçsan

Yalan söz aldadar , tamahkarları

Pis günə goyacaq , günahkarları

Axı nə lazımdı var olan yerdə

Gözlərin qalırı , hər bir şeyidə

Razı ol özündən ey insan bəsdi

Tamah , gözəlliyin başını kəsdi

Sevgiyə xərc etsən , istedadını

Alarsan eşqdən hər bir zadını

Yoxsa sən qalarsan pis günə vallah

Necə ki qalmısan , bilmirsən billah

Biganə olarsan öz kimliyindən

Tamahkar asılar öz dimdiyindən

Nə isə danişdım , çoxları ilə mən

Özündən razı atan , oxları ilə mən

Yalnız mən mən idi mənə bir cavab

Çörəyə nan dedi , duru suya ab

Yalnış düşüncələr , əbədi qaldı

Məntiq danışanmır , bəlkədə laldı

Mən bu sözü çoxlarına oxudum

Təsəvvür eyləki , varkən , yoxudum

Ayı ilə girdəkan , məsələsi idi

Sözcükü almadan , bənsə-bəns idi

Üzülməm bir daha , danışacağam

Qulaq asmasan sən , ağlıyacağam

Sözü at yerə sən , sahibi tapsın

Əgər çox acısa , şəkərə qatsın

Çox sözlər deyilər , zarafət ilə

Nöktələr , birbəbir gələrlər dilə

Məni bağışlasın , burda cənablar

Gözləri baxarkən amma yatıblar

İstəməm , nə fikirin sahibisən sən

Seçim səninlədir , özün bilərsən

Yalnız bunu yazan , tərs-avand yazdı

Ucadan danışdı , beynimi qazdı

Səndə çox danışdın , qardaş Eşilbax

Əgər doymayıbsan , duraq , qışqırax

Eşilbax 20.8.1998 Alman شیلباخإ

SON BAŞ

Eşilbax

Dan yeri soyunur lüt

Həmişə olduğu tək

Çılpaqlanır gecənin əhvalatı

Fəhlələr restoranda , yeməkdən öncə

Yemək iyisində itirlər

Polislər , dilli-dilli dilənçi paltarındadırlar .

Divara plakart asır

Əsir asa-asa

Əsir tələbə

Külək zibilləri

Zibil maşınları ilə bölür

Deşir mağıl

Ayaq altında əff fərmanın

Qıddın qısırı

Sürtülür , dürtülür , dalaşır , calaşır

Yırtıq ağızlardan

Paxır paxıllıq qısqanır varsayıma

Sayımda səlavat sellənir gör nə sayaq !

Qavram qovrulur qalıblar arası qat qat

Siz oxuyun

Ruhsuz şəhərin əhvalatın

Bir yazılmamış qəzetdən

Eşilbax 12.10.2003 Alman إشیلباخ

şeröv

SON BAŞ

Dan yeri soyunur lüt

Həmişə olduğu tək

Çılpaqlanır gecənin əhvalatı

Fəhlələr restoranda , yeməkdən öncə

Yemək iyisində itirlər

Polislər , dilli-dilli dilənçi paltarındadırlar .

Divara plakart asır

Əsir asa-asa

Əsir tələbə

Külək zibilləri

Zibil maşınları ilə bölür

Deşir mağıl

Ayaq altında əff fərmanın

Qıddın qısırı

Sürtülür , dürtülür , dalaşır , calaşır Yırtıq ağızlardan Paxır paxıllıq qısqanır varsayıma Sayımda səlavat sellənir gör nə sayaq !

Qavram qovrulur qalıblar arası qat qat

Siz oxuyun

Ruhsuz şəhərin əhvalatın

Bir yazılmamış qəzetdən

Eşilbax 12.10.2003 Alman إشیلباخ

Duruluq Tozu

Ayaqladım qışı

İrəliyə çəkdim bayramı

Qabağa verdim

Ərköyün , döş düşüncəsin

Rəşbər saydam

Çatlaq divardan , güzgüyə düşdü

Kölgəmin rütubəti

Dörd buğum

Üfürmək tək

Vuuyy

Beş barmağın anlın təri

Yox dostum !

Ayıbdır , Ayıb

Eşilbax 13.10.2002 Alman إشیلباخ

Mahir Mat

Göz vurdun

Ağır ayaqlar ilə

Batlağa batdı barmaqlarım

Bax , bax

Barda , babam deyən bələtçinin nəfəsi

Dondu dumanlı bardaqda

Bom boş keçmiş

Tərəzinin təcrübəsində

Hayxırır nəm nədən

Qəhərli boğaz

Yol uzunu

Öz özünün bərabərində

Üzləşən mat

Eşilbax 9.10.2004 Alman إشیلباخ

And Anası

Anama dedim ki , inanmayacaqsan

Ay bacı ! qulaq asmayacaqsan

Həmşirə hər adama sən

Hamılar tək olmayacaqsan

Ay qardaş oğlu

Qardaşlarıma işarə eylədim ki Bəli ......

Qonşularıma dəfələrlə yazdım Kəndimizə sifariş göndərdim Ehtiyat , ehtiyat !?

Müğayət olun

Yoxsul

Vəhşi

Savadsız

Səviyyəsiz

Pulluların dünyasında

İfadə durumuna

Durum ifadəsinə

Bir daha ehtiyat

İfaçıya ehtiyat

Amandı ehtiyat

Eşilbax 18.5.2000 Alman إشیلباخ

Buynuzlu Dirsək

Gecələr əriyir bərklik

Buğlayır mənim səhərimin axşamında

İşığın tozu

Buğum , buğum

Buraxır ballı barışı

Əməllərimin qədəminə cınqır - cınqır

Heyyyy

Çox yatımlı sərsəmlik

Nə eybi var ?

Mən isə

On yeddi yaşımdan

Yox demişəm

Bu u u u u u......

Gədələrə .

0.0.17. yaşımdan

Kal Nübar

Yelli yerli

Yelə dəydi

Doğulduğu yerdə

Yetişməyən kal meyvə

Qəribə idi

Yelli yerliyə deyildi

Bir pis ildi

Yerlilərdən deyildi

Bu nübar

Hamıda olan soyuqluq

Qəribliyə nə dəxli var

Əgər kal yetişdi bu nübar

Eşilbax 25.9.2004 Alman إشیلباخ

Sa-tənz

Eşilbax

Çox cəhd olunur qafil adam , bilməyəsən sən

Yandırsada yaxsa səni dərd , gizlədəsən sən

Kəssə ətini soysa dərin , diskinməyəsən sən

Nadanlıq atından yerə heç , yenməyəsən sən

Bilmək qadağandır dinmək qadağandır

Axı nə işin var O qanmayandır

Ağla nə qədər gecə-gündüz , ağlayacaqsan

Təpənə yaxıb zığ , qəməni zıxlayacaqsan

Əshabidən ötürü , sinələr dağlayacaqsan

Kəsməz da sözün sən nə qədər , qışqıracaqsan

Çün gülmək haramdır hər şey qadağandır

Axı nə işin var O günə baxandır

Gülmək beləcə rəsm deyil , danlama qardaş

Yum gözlərini gərçəyimi , anlama qardaş

Poz vermə mənə dövlətini , sanama qardaş

Be-vədə xoruz tək mən ölüm , banlama qardaş

Dinmə sən amandı dərdim çox yamandı

Axı nə işin var O qanmayandır

İslam adına gördü hər iş , üz yox .dabandır

Saqqal qoyub o şəlməsi var , qıllı qabandır

Biz fikir elədik çoxlu zaman , bəlkə adamdır

Hər nə dedi gördük axırı , hamısı yalandır

Vay-vay nə yamandır üz deyil , dabandır

Mənim nə işim var gülmək qadağandır

Möhumat üçün mən bilirəm , hər nəyə hazırdı

Şaxsey deyərək şəmşir ilə , beynin qazırdı

Şamanı inkar , budanı , zərdüşdü danırdı

Yüksək mədəniyyət tanımaz , elm nə qanırdı

Bu yola inandı hamı belə yandı

Qanmır nə işim var gülmək qadağandır

Bəh-bəh bizim hacı , Qəməni başına taxdı

Məkkəyə gedib hər adama , bir qara yaxdı

Saqqal uzadan yedi haram , qonşuya baxdı

Hiylə edərək hər gələnin , ayağına qalxdı

Vah-vah nə yamandı bir parça nadandı

Millət niyə görmür adam alladandı

Adət bunadır , öyrənəsən gülməyəsən sən

Görsən zor olur ağzın açıb , dinməyəsən sən

Çox yaxşı olar bir para şey , biləməyəsən sən

Bayram toy ola təzə libas geyməyəsən sən

Belə su bulandı yaş , quru oduna yandı

Qardaş nə işin var bilmək qadağandır

Arvad tükü görsənsə bilin , din yaralandı

Çıxsa səsi ancaq balaca , göy parçalandı

Arvad nədi məktəb nədi ! vay-vay bala amandı

Din əslidir , kultur , mədəniyyət ki yalandır

Xalqım buna inandı dərdim nə yamandı

Əfsus belə işə gülmək qadağandır

Dünya çalışır çatsın əli , sənətə , elmə

Bizlərə rəva qılmadı heç kəs , belə bilmə

İstədi gülə uşaq , dedi “ danışma , gülmə”

Vuran qıfılı , vurdu mənim , ana dilimə

Düşmən belə qandı hörmət yaralandı

Təəssüflə bu yerdə bilmək qadağandır

Noxta salıb at tək dinəni , nalladı molla

Əsir elədi qul kimin o , xalladı molla

Milax kimi asdı biləni , salladı molla

Bais bu işə təkcə bilin , molladı , molla

Molla bunu bildi qadağa deyildi

Bilmir nə işin var düz söz qadağandır

Başlandı soyuq hərb , bizim ölkədən vallah

Qarğayıb bizi yer , göy özü , həmdə bu allah

Hərbin soyuğu çatdı başa , qalx denən yallah

Təqsir bizim , günah bizim , vallah , billah

Heç gör nə bilindı xalqım bunu bildi

Bilmir nə işin var dili qadağandır

Neftindən ötürü , Hitleri , Stalin gəbərtdi

Dünya bilir bu dərd bizim , köhnə bir dərddi

Biganənin ağzında bu neft , şirindir , qəndi

Heç gör mən ölüm , xalqı bu hadisə dəbərtdi ?

Xalqım belə yandı odlarla yarandı

Görmür nə işin var sərvəti talandı

Ey nadan adam , tarix olub ikimin yüz il

Qəflət yuxusu ilə yatan , ayıl bunu bil

Təbii olub , yada verib tanrı bizə dil

Danış o dilə , təhqiri poz , nəngi bütün sil

Sil sil sən amandı bil bil sən amandı

Qəflətdə yatan xalq bilməz. ! qadağandır

Dünya baxırı ölkəmizə , dörtlərlə göz ilə

Aldatmaq istəyir milləti , minlərlə söz ilə

Düşmən gətirən dərdi bəlalarla dözürlər

Nə məsləhət eylər , nə hesab , xalq özü ilə

Taleh ki , yarandı xalqım belə yandı

Bilmir nə işin var dözmək qadağandır

İnsanlar haqqından danışmaq , canım heç olmaz

Təyin elə talehin desən , bilin alınmaz

Yalvar ola bilməz , yalvarma heç olmaz

Ağla ola bilməz , heç dinmə ki olmaz

Belə qadağanlıq oldu ki , biz qaldıq

Bilmir nə işin var hər şey qadağandır

Parlamentdə oturan , telefonla alış-veriş eyləyir

Şəxsi mənfəətindən sonra , heç nəyi bilmir

Tənqid eləsən xalq yanır , eşidir dinmir

Milyondan az olsa qazancı , canına sinmir

Nümayəndə seçildi vay evim tikildi

Ayrı nümayəndə seçmək qadağandır

Məclisdə oturur , qoyur ayaq öz ayaq üstə

Bəzəndə yatır çort vurur , orda masa üstə

Nümayəndə olub xalqımıza , tək kağız üstə

Seçgi zamanı verdi sözü , dedi can istə

Rəyim belə yandi sözlərə inandı

Hardan biləydim mən inam qadağandır

Düşərsə yolun idarəyə , rüşvət verərsən

Ya inki bir il müftəsinə , gedib gələrsən

İnsanın əzab çəkməsini , orda görərsən

Belə deyirəm , bir dirilib , min dəfə ölərsən

Bilməm bu nə işdi kal kalla yetişdi

Qardaş nə işin var qanun qadağandır

Çəkdi dilindən bəndə , prezident aparatı

Mətbuata xətt çəkdi , öldürdü ədəbiyyatı

Tənqid yazanı kəsdi , qurtardı xətəratı

Daha satdı onu , qalmadı neftin qətəratı

Bax gör nə dövrandı dinmə sən amandı

Bilməm nə yazım mən yazmaq qadağandır

Güneyi sökür şəlməli , guzeyi kravatlı

Təkcə verəcək bizə nicat , bəlkə göy atlı

Qəflət yuxusunda bizim , millət yatıbdı

Yoxdur xəbəri ölkəni kim , alıb satıbdı

Qəflətdə yatandı rəyin uduzandı

Bilmir nə işin var yatmaq qadağandır

Guzeyi məhv etdi , o dinsiz komunistlər

Güneyi edən yox , bu yalançı islamistlər

Bədbaxt eylədi yaxşılar yox , bəlkə bu pislər

Millət malını verdi heçə , etdi bizneslər

Aman amandır qəlbim belə yandı

Baxmağa gözün var görmək qadağandır

Jeopolitik ilə həssas olan , ölkə mənimdir

Nefti talanan tarac olan , ölkə mənimdir

O yaralanan , parçalanan , ölkə mənimdir

İşğal olunan tapdalanan , ölkə mənimdir

O şeyki mənimdir hardakı mənimdir ?

İzhar ola bilməz dinmək qadağandır

Dünya kam alır , vallahı bu mənzərəmizdən

Çalçaplar olur boş yerə , bu sərvətimizdən

Təqdim olunur düşmənə pay , yerlərimizdən

Rahat yaşamır qaçqın bizim , dillərimizdən

Sözüm , tamamdır bir sükut , elandır

Neyləsin Eşilbax xalqı inanandır

Eşilbax 12.6.1999 Alman إشیلباخ

Fars ziyalılarına ixtar və müraciət

Eşilbax

35 milyon gül , atacağam mən

Qalasan altında boğulasan fars

Ağlamaram səni sellər aparsın

yoluma vəfalı , qalacağam fars

Əlindən bəhanə , alacağam fars

Böhran axtarırsan , dava axtarırsan

Konfiliktə gedən yol , axtarırsan

Dialoqdan , danışıqdan qaçırsan

Səni düz qəlıbə , salacağam fars

Yada yox ağlını , alacağam fars

Öyrəndin daldan , xəncər vurmağı

Dinc istəyin , qarşısında durmağı

Bacarmadın düzgün dövlət qurmağı

Mən səni quymağa qatacağam fars

Yada ki bir yolluq , atacağam fars

Xalçamı dananda , mən dedim neynək

Haqları görmədin , dedim vur eynək

Əl ver qardaş olaq , birgə geyinək

Qanmadın , bilmədin , ucalaram fars

Haqları yüz faiz ,mən alaram fars

Səviyyən varsa əgər , gəl biz danışaq

Eşit sözlərimi , söz ver anlaşaq

Nədən qanmayırsan , düşün qanışaq

Ay çıxıb , görməzsən batacağam fars

Dostluğu bir dəfə , atacağam fars

Sülh quşun göndərdim , başını kəsdin

Sualım olanda , titrədin , əsdin

Bu yaşam tərzindən , nədir bəs qəsdin ?

Qısqandın ölürsən ? qalacağam fars

Cəhalət eyləmə , haqq alacağam fars

Yalnış fikir eyləmə , yalvaracağam

Dinci sevdiyimdən , sülh çağıracağam

Azadlıq quşuyam , bəndi qıracağam

Qıracağam qəfəsi , sındıracağam fars

Silib tariximdən , yandıracağam fars

Hiyləgər , çəkmisən oxun yayını

Qullanmaq istədin , Əli-dayını

Çoxalt gəlsin çirkinliklər sayını

Çirkini lap ucuz , satacağam fars

Zəhərsən , şəkərə qatacağam fars

Manqurtu aldadıb , qul eyləyibsən

Anıktot söyləyib , deyib gülübsən

Qarnın zığlıdı ki , belə edirsən

Qarnının zığını , cızacağam fars

Talehin başqa cür yazacağam fars

Adam ol , insan ol , qardaş olaq biz

Vicdansız , gəl yola , yoldaş olaq biz

Inadı burax sən , sirrdaş olaq biz

Yoxsa , yalvarsanda qaçacağam fars

Bir yolluq dostluğu , atacağam fars

Eşilbax 28.5.2010 إشیلباخ

Sa-tənz

Eşilbax

Həmişə bir şey azaldı , küçəmizdən keçəndə sən

Böhtan ələ bir saz aldı , küçəmizdən keçəndə sən

Sildin yerə burnunu , tüpürdün divara tamam

Lat , lüt işvə naz aldı , küçəmizdən keçəndə sən

Təpik vürdun güldana bərk , səpdin yerə zibili

Xarabkarlıq çox fazlandı , küçəmizdən keçəndə sən

Anqırdın sən ucadan sərt , ancaq Eşşəkdən iraq

Millətə rahatlıq azaldı , küçəmizdən keçəndə sən

Bilməz idin nə edirsən , yüz qram vuranda belə

Kulturda səviyyə azaldı , küçəmizdən keçəndə sən

Insaflı iş görmədın sən , heç zaman mamilədə

Cücə veribsə qaz aldın , küçəmizdən keçəndə sən

Bunlar nədir ey Eşilbax , diqqət eylə dəyişil bax

Danışdırıbsa söz aldın , küçəmizdən keçəndə sən

Eşilbax 8.12.2002 Alman إشیلباخ

Sülh

Eşilbax

Mən sülh istəyirəm , dilim bayrağım

O şanlı keçmişim , mənim çırağım

Sülhün carçısıyam , gəlir sorağım

Kulturum , tarixim , varlı varlığım

Göstərir var mənəm , dinc-çağrağım

Bir bəlli bəlirə , qol çəkən mənəm

Sülhün dinc evinə , yol çəkən mənəm

Bu yolda ağrını , bol çəkən mənəm

Davaya cavabı , sülh ilə dedim

Nifrətə sülhü mən , bir hədiyə verdim

Nifrətdən nifrəti , alıb yandıran

Inadkar ordusun , dincə çağıran

Bölgəsəl dostluğa , uca bağıran Mənəm

Hər türlü terroru , qınayıram mən

Yolumu qatildən , ayırıram mən

Bölgəsəl konfilikt , olmamalıdı

Kulturda inkişaf , çox olmalıdı

Qudurğan işqalçı yox olmalıdı

Yoxluğu istərəm , işqalçılara

Təklifim barışıq , terrorçulara

Basqını , zoru mən , məhkum edirəm

Dövlət terroruna , yox hökm edirəm

Ey cinayətkar adam , açıq deyirəm

Barışıq sevirəm , sülhə qurbanam

Ver ! barış əlini , bəlkə inanam

Dilimdən əl çək sən , cahil şivunist

Böhranı böyütmə , nadan pan-farsist

Inaddan əl götür ey lat , falanjist

Qoy tapsın inkişaf , kultur , iqtisad

Paylaşsın millətlər , nə varsa çox şad

Oyuncaq olubdu , bu gün faşistlər

Dillərin qatili , sağ şivunistlər

Bölgədə satılmış , kor komunistlər

Bilsin , sülh istəyən Azərbaycanam

Dığanı rədd edib , dosta qurbanam

Kimsənin quşuna , kiş eyləmədim

Bozarıb , qıcırdan diş eyləmədim

Nifrəti özümə , iş eyləmədim

Barışıq istərəm , barışıq üçün

Birləşən , paylaşan , yarışıq üçün

Barışıq olarsa , ucalarsan sən

Dinc ilə yaşıyıb , qocalarsan sən

Nifrətsiz Ərənlər , Xocalarsan sən

Sınaydı nifrəti , əkən əlləri

Məhkumdu bölgədə , böhran dəliləri

Eşilbax 23.5.2010 Alman إشیلباخ

Sa-tənz

Eşilbax

Eşitmişdin ? Əqrəb şivunisti çaldı

Şişdi şivunist , Əqrəb təəcüblə qaldı

Əqrəb getdi öz işinin dalıyca

Iyi verdi , irgənc oldu , saraldı

Heç bilirdin , itin dili rəsmidi ?

Gecə gündüz hürürdü o kəsmirdi

Mübarək əl ona , bir zopa vurdu

O zopata ona , bir ömür bəs idi

Bir faşistin başı , yekəlmiş idi

Təkəbbürdən burnu , dikəlmiş idi

Başı dəydi daşa , burnu əzildi

Biçarənin beyni , pükəlmiş idi

Bizim millət farsı , qardaş bilirdi

Gecə gündüz o dildə , söyləyirdi

Bu ögey qardaşın , şivunistləri

Bizim xalqa bit-birə , susk deyirdi

May ayında , türkü təhqir etdilər

Iran qazetində yazıb , getdilər

Insafsızlar böhtan yalan yazarkən

Türk yəni “ susk ” iddasın etdilər

Faşist bilməz namus nədi ar nədi

Vəhşidir qanmaz o , ahı , zar nədi

O öyrənib , daldan xəncəri vursun

Namərd bilməz əğyar nədi yar mədi

Sülh ilə millətim , dil istəyirdi

Dəfələrlə hərbi , çox pisləyirdi

Xalqımı məcburla hərbə çəkdilər

Vallah təkcə millət haqq istəyirdi

Bir ırqıçı gördüm , türkü söyərdi

Onun dilin tapdalayıb , döyərdi

Bu iş oldu səbəb , türklər oyansın

Cahil şivunist , bunu heç görməyirdi

Bir nadan türk , belə satılmış idi

Faşizmin işinə , qatılmış idi

Nadanlıqdan heç nəyi görməyirdi

Silinmiş dəsmal at , atılmış idi

Manqurt gördüm , öz elini satırdı

Sata sata , yalan yulan , dartırdı

Ölmədim mən o günə şahid oldum

Ərbab onu , zibil qabıya , atırdı

Haray Haray , nadanlığın əlindən

Xeyir gəlməz danışarkən , dilindən

Bizim millət ! nadanlıq qurbanıdı

Nə yaralar gördü , xəncər milindən

Şivunizmin dostdu , vəhşilər imiş

Hansı inam ya hansı dinlər imiş

Bunların içində , köhnə komunist

Var idi , yalançı humanistlər imiş

Nələr gördük bu satqın solçulardan

Bu satqın yalançı , kor yolçulardan

Şivunizmə , sağda solda , qol imiş

Aman aman həyasız , qolçulardan

Mən sevərəm humanizmi , komunizmi

Amma bunlar görən işlər , tam düzmi ?

Nədən bizim milləti tək qoyurlar ?

Baxginan bu işə , gör humanizmi ?

Eşilbax 24.5.2010 Alman إشیلباخ

Şəhid

Eşilbax

Şəhid ey şəhid ey şəhid ey şəhid

Azadlıq yazan qan ilə , ey igid

Sənin yolunu mən davam eylərəm

Sənin arzunu mən müdam eylərəm

Sənin ağrını öz qadam eylərəm

Şəhid ey şəhid ey şəhid ey şəhid

Azadlıq yazan qan ilə , ey igid

Olubsan belə qiblə öz xalqına

Yetişdin yaman gündə sən dadına

Şərəf vermisən ölkənin adına

Şəhid ey şəhid ey şəhid ey şəhid

Azadlıq yazan qan ilə , ey igid

Zəfər nəğməsin , qan ilə çalmısan

Düşməndən bütün dincilik almısan

Böyük fəxr ilə əbədi qalmısan

Şəhid ey şəhid ey şəhid ey şəhid

Azadlıq yazan qan ilə , ey igid

qaranlıqlara , parlaq ulduz olan

Qurtuluş şüarın , qəlbimə dolduran

Cəlladlar əli ilə cəfadən solan

Şəhid ey şəhid ey şəhid ey şəhid

Azadlıq yazan qan ilə , ey igid

Əziz canını , sən qurban vermisən

Azadlıq məramində , sən demisəm

Oyan millətim , sən xitab etmisən

Şəhid ey şəhid ey şəhid ey şəhid

Azadlıq yazan qan ilə , ey igid

Eşilbax 23.5.2006 Alman إشیلباخ

Həsr 22 may Aslanlarına

Eşilbax

Çəkdilər darə gülü , bülbülüm , fəğan eylə

Yazıldı eşqə ölüm , aşiqim , dur qan eylə

Nə yatmısan belə aram , sən ey dili qafil

Od vur , alışdır özün , dərdini bəyan eylə

O hüsnü xoş igidin , mübtəladır zindanda

Fərman gəlir dinmə , sus , özünü dan eylə

Vuruldu xətt bu gün hər nə istəyin var-idi

Üsyanə gəl babəkim dur di-tərki can eylə

Qəfəsdə aslana bir bax , qana batıb bədəni

Dözə bilməyən bu dərdə qışqırıb əyan eylə

Çəkildi bəndə bu gün qəhramanların bir-bir

Ey bəndidə bağıran şir , sirrin ilə yan eylə

Cəfayə bax xəzanda , tarac etdir güllərimi

Tarac olan gülləri qalx indi sən divan eylə

Bağında yandı qızardı lalənin bağrı Eşilbax

Kəsərli bir nəfəsin var çəkginən tufan eylə

Eşilbax 19.6.2006 Alman إشیلباخ

sa-tənz

Eşilbax

Dünyanı doladılar

Yalançı amerikalılar

Iraqı bombaladılar

Babilonu korladılar

Demokrasini təkcə

Iraqda axtardılar

Yalançı amerikalılar

Nefti olan ölkələrə

Barmağını uzatdılar

Sülh , qanun , naminə

Hər yanı dağıtdılar

Yalançı amerikalılar .

Iran adlanan yerdə

Farsları yardımladılar

Yalançı Amerikalilar

Öz mətbuatlarında

Otuzbeş milyon türkün

Haqlarını dandılar

Yalançı Amerikalılar

Demokrasini yalnız

Iraqda axtardılar

Yalançı Amerikalılar.

Azərbaycanda bu gün

Münasib şərait var

Demokrasiya qarşı

Xalq da , bir rəğbət var

Sevir millət azadlıq

Tolerans , bir həyat var

Hər imkan , hər bir zad var

Dəstək oldu , erməniyə

Yalançı amerikalılar .

Neftini oğurladılar

Dost kimi amerikalılar

Mafiyanın əli ilə

Əzildi azərbaycanlılar

Demokrasi istəyənlər

Birbəbir tapdalandılar

Demokrasini təkcə

İraqda axtardılar

Yalançı amerikalılar .

Eşilbaxdan soruşdum

Bəs siz Azərbaycanlılar ?

Mənə cavab vermədi !

Dedi : “ günahkar Amerikalılar

Demokrasini təkcə

Iraqda axdardılar

yalançı amrikalılar ”

Eşilbax 28.9.2003 Alman إشیلباخ

Günaz-TV

Eşilbax

Xalqın səsi qalxdı , ona bais günaz oldu

Qış fəsli keçib getdi bahar ilə yaz oldu

Millət səsi yatmaz nəqədər bu kanalı var

Ucalsa səsi düşmənə yaş , bir gün az oldu

Yaşı beş imiş , sanki min illik iş aparmış

Xoş niyyət ilə birliyə saz-söz günaz oldu

Açıq qapısı , hər fikirə xoş fenomen imiş

Çeşitli fikir yaymağa şərt tək günaz oldu

Düşmən çalışırdı bu kanal batlağa düşsün

Tanrıya şükür hiylə görən göz günaz oldu

Nifrət toxumun səpmiş idi , casus olanlar

Ifşa edən ancaq bu işi , can günaz oldu

Millət səs ilə düşmənə kəs , söylədi əxbar

Məntiq metodun işlədib yayğın günaz oldu

Yalnız bir kanaldı buna şərq aləmi şahid

Olmuş , olacaq , söhbəti azad günaz oldu

Çünki marağı millidi , məqsəddə bodundu

Sərbəs danışıq yöntəmi , azad günaz oldu

Özgür biz idik , bilməlidi düşməni nadan

Bu sirri yayan dünyaya canaz günaz oldu

Uğur qazanar özgür olan , müstəqil olsa

Tək rəmzidi yalnız buna nail günaz oldu

Təbrik edirəm bu beş ili ay günə naz-naz

Parlaq olasan Gün kibi ol , çün günaz oldu

Səhv eyləmərik bir daha düşməndə çalışsa

Söz millətimin talehi idi , göz günaz oldu

Sordum sözünü harda yayırsan sən Eşilbax

Verməzdi cavab , bəli cavab solgünaz oldu

Eşilbax 2.5.2010 Alman إشیلباخ

Sa-tənz

Eşilbax

paltaklara baş vur , necə ovzadı bu paltak

hərb cəbhəsidir , davanı qovzadı bu paltak

hörmət dağıdıb , korladı hər zadı bu paltak