|
هر قارانلیق دا، بیر ایشیق لیق وار
حسن جداری
ایشچی لر، دور ماسا اگر، آیاغا
یوخدی ایمکان کی ظولم ائوی، ییخیلا ا ایشچی، دنیانی ایلیوب آباد
یاشاییر بیلمیرم نیه، ناشاد
ایشچی، دنیاده اولماسیدی اگر
پوللولاردان مگر اولاردی خبر؟
ایشچی، مین جورایله ، چکیر زحمت
ییغا تا پوللی بیر بئله، ثروت
پوللی هر گون، پولی پول اوسته قالار
ایشچی نین، بللی د یر کی جانی چیخار
پوللونون قارنی، هئچ زامان دویماز
یول کسن، کیمسه نی بئله سویماز!
زلی تک، ایشچی نین ایچر قانین
گونده مین یول، آلاراونون جانین
یوخسولی، پوللولار ائدر غارت
کوچه لرد ه یاتیر، او دول عورت
پوللونون یوخدی ایشچی دن، خبری
نظم سرمایه نین، نه د ور، ثمری؟
چکیری ایشچی، مین جوره ذلت
گئجه لر آج یا تیر، قارا میلت
هاردا، سرمایه حکم دار اولدی
اورد ا، ایشچی ذلیل و خوار اولدی
بیری نین واردی قصری، ویلاسی
پیلووی،با لی،شهدی، حلواسی
بیری یوخسول، یاشیر مذلت ده
بیر بئله فرق واردی میلت ده!
قوی پوزولسون نظام سرمایه
باشا چاتسین، دوام سرمایه
ایشچی نی، اینقلاب ائدر آزاد
ظولم ائوی یکسره اولار برباد
فعله یه، پوللی رحم ائدر، هیهات !
ایشچی یه، تک بو دور، طریق نجات
چون ییخیلدی، نظام سرمایه
قالمادی، اینتظام سرمایه
ظولم دن اوندا بیر اثر، قا لماز
یوخسولون، پوللی جانینی آلماز
اوندا هر کس کی موفتخوار اولا جاق
خلق ایچینده، ذلیل و خوار اولاجاق
سوسیالیسم ایشچی یه ، نجات وئرر
فعله یه، بیر ینی حیات وئرر
اولکه نی، سوسیالیسم ائدر آباد
ایشچی نی، اینقلاب ائدر آزاد
هر قارانلیق دا، بیر ایشیق لیق وار
قیش گئچر کن، گلر چیچک لی باهار |