اوچ موقدده س اينانج
اؤزگؤر موباريز
كونول باخچاسيندان اومود ده رميشم
بير اؤزگورلوك، بير ايستيقلال بير وطن
بير ميللتين چيراغي، هم ايشيقي
بير اؤزگورلوك، بير ايستيقلال بير وطن
جانلي ميللت بويوندوروق گؤتؤرمه ز
آنا يوردون، آنا ديلين ايتيرمه ز
سعادتي اوز الينده ن اؤتورمه ز
بير اؤزگورلوك، بير ايستيقلال بير وطن
خسته دوشموش بير ميللته درماندير
ائله سانما حياتيميز دوماندير
تؤرك ائلينه اوچ موقدده س اينامدير
بير اؤزگورلوك، بير ايستيقلال بير وطن
دويا- دويا، بيله- بيله سئچميشيك
ده نيزله رده ن، طوفانلاردان كئچميشيك
وار يولوندا، قانلي شربت ايچميشيك
بير اؤزگورلوك، بير ايستيقلال بير وطن
قارانليقين كؤچمه سيني گوروسن
قيلينج الده، ايگيدله رين بيري سن
قالخ آياقا ثروه تيني قورو سن
بير اؤزگورلوك، بير ايستيقلال بير وطن
ائي ايگيدله ر دوشمن يارقان اوسته دي
قورتولوشون هيمي سيزه بسته دي
آنا وطن اوچ وارليقي ايسته دي
بير اؤزگورلوك، بير ايستيقلال بير وطن
هم شرافت، همي قئيره ت كانيدي
هم شخصييت، هم ميللييت جانيدي
هم عدالت، هم اوستونلوك قانيدي
بير اؤزگورلوك، بير ايستيقلال بير وطن
آزاد وطن، آزاد ياشا،شاد ياشا
آزاد اولموش قارداش ايلن اول، قوشا
تكليفيني دوشمن ايلن وور باشا
بير اؤزگورلوك، بير ايستيقلال بير وطن
داها يئته ر ايرانا قول اولماغين
بولوت كيمي گاه بوشاليب دولماغين
ايندي يئتيب، سن حاققيني آلماغين
بير اؤزگورلوك،بير ايستيقلال بير وطن
بو موباريز تورپاغينا جان وئره ر
اودور اولمه ز، ميللتينه قان وئره ر
بو دونيادا حياتا ايمكان وئره ر
بير اؤزگورلوك، بير ايستيقلال بير وطن
5/6/1388