بو یازی بهانه اولسون دییه...

 

شعرینی یازدیم داغلارا، یوللارا، یازدیم دوستاق اولدوغوم دیوارلارا و دؤنه دؤنه اوخودوم ...

هئچ بیر اؤدول دوغورا بیلمز امکلرینی دوستوم، یالنیز عنوانینا گوندرجه­ییم بیر چیچک.

آنیرام شعرلرینده آنیلان شهیدلریمیزی.

بو یازی بهانه اولسون دییه دوستلاریما سایغی­لاریمی بیلدیریم.

بوتون زحمت کش دیلداشلارا دوستلاریما صمیمی سلاملاریمی سونورام. من دوستاقدا اولدوغوم زامان منیم و دوستاقدا اولان دوستلاریمین خبرلرینی یایماقلا حضورلارینی بیلدیرمیشدیلر، امید و دایاق اولموشلار. بورادان خزر ساحیللریندن سایغی­لاریمی و مینتدارلیغیمی بیلدیرم.

سویله­مه­لییم وطن یولوندا و میللت یولوندا  چکدیکلریمیز چیله­لر لذت­دیر. قویماریق هر کس  هر پالتار ایلن یوردوموزدا اینسانلیغی تاپدالاییب ظلم و ستم ائتسین. بو ستم ننگ­دیر. بیز حاقلاریمیزی ایسته­مه­کدن دایانمایاجاییق. گله­جک بیزیمدیر.

زینداندا اولان دوستلاریمیزا آزادلیق دیله­ییرم.

فخر ایله دئییرم  وطن اوغروندا زیندان زیارتلریمی، بونون کیمسه­یه مینتی یوخدور هر بیریمیزین بورجودور.

بوتون وطن اوغوللارینیا جان ساغلیغی و شرفلی یاشام آرزولاییم.

حورمتله:  ودود اسدی  -  رشت   ۱۶/۶/۸۷